Абон нæ республикæ стыр æргом здахы сывæллæтты хъомыладмæ. Арæзт сын цæуынц алыхуызон дæсныйад æвдисæн ахуыртæ, ерыстæ æмæ экскурситæ. Радон хатт та Дзæуджыхъæуы 44-æм скъолайы ахуырдзаутæ Космонавтикæйы скъолайы фембæлдысты Дзекъойты Юриимæ. Фæсивæдæн радзырдта йæ хæлар, Советон Цæдисы дыууæ хатты Хъæбатыр Георгий Гречкойы тыххæй.
Сывæллæттæ цымыдисæй хъуыстой, базыдтой советон космонавты сгуыхтдзинæдтæ, лæвæрдтой фæрстытæ, патриотизм æмæ Фыдыбæстæмæ уарзондзинады тыххæй дзырдтой. Уымæй уæлдай ма бынæттон музей фæхъæздыгдæр уыдзæн æнахуыр экспонаттæй: Гречкойы хи архивы чингуытæй æмæ документтæй. Кæронбæттæны сын сарæзтой экскурси планетарийы.