ОБЩЕСТВО

Сфæлдыста аккаг музыкалон уацмыстæ

Ирон музыкалон аивады рæзтмæ йæ хайбавæрд чи бахаста, йæ уацмыстæй йæ чи фæхъæздыгдæр кодта, уыдонæй уыд композитор, æхсæнадон архайæг Куллиты Леонид Иваны фырт дæр. Уый райгуырд Дзæуджыхъæуы горæты 1916 азы æмæ йе ‘взонджы бонтæй фæстæмæ æнгом баст уыд музыкæимæ. 1930-1963 азты уыд хæдархайгæ аивадон къорды разамонæг. Фæлæ æвзонг музыкант æмбæрста ахуыры стыр ахадындзинад æмæ 1936-1940 азты ахуыр кодта Мæскуыйы консерваторийы композиторон хайады, цыран йæ ахуыргæнджытæ уыдысты профессортæ Е. Голубев, В. Белой æмæ В. Шебалин. 1945-1951 азты уыд Паддзахадон кинематографийы симфонион оркестры нотæты библиотекæйы хистæр. Фæстæдæр, 1952-195 азты уыд ЦИ АССР радиокомитеты зарды ансамблы дирижер, уыд ма Цæгат Кавказы кинохроникæйы студийы музыкæйы фæлындзæг, стæй Дзæуджыхъæуы музыкалон педагогон ахуыргæнæндоны ахуыргæнæг дæр. Композиторты цæдисы уæнг сси 1953 азы.

Хæрзæрыгонæй Куллиты Леонидæн фæбæрæг сты йе ‘взыгъддзинæдтæ музыкæмæ. Кæд ын уавæртæ нæ уыд музыкалон скъолайы ахуыр кæнынæн, уæддæр уый йæхи тыхтæй сахуыр кодта æмæ фæцайдагъ музыкæйыл. Йæхи хъæппæрисæй базыдта цæгъдын цалдæр уадынгæрзтыл, уыцы нымæцы уыдысты мандолин, домрæ, балалайкæ æмæ гитарæ. 14-аздзыдæй кусын райдыдта клубты, разамынд лæвæрдта адæмон инструментты хæдархайгæ ансамблтæн æмæ сын уыд æнтыст. Куллийы фырты фыццаг уацмыстæ уыдысты ирон зарджытæ æмæ кæфтытæ инструменталон бакуыстгондæй. Уый фæстæ азты фæзындысты сюитæ, фантази ирон темæтæ æмæ зарджытыл, куыд Боциты Бароны фыст æмдзæвгæтыл «Хæдтæхæгскъæржжыты марш», «Зонын» (Хетæгкаты Къостайы æмдзæвгæ), афтæ ма «Фынджы зарæг», «Аслæмбеджы зарæг» æмæ æндæртæ. Йæ фыст зарджытæ йын сæ зæрдæмæ арф айстой хъусджытæ, бацыдысты хæдархайгæ хорон коллективты репертуармæ. Композиторы курдиат уæлдай æххæстдæрæй райхæлд, Мæскуыйы консерваторийы курсыты куы ахуыр кодта, уæд. Леонид уыцы азты ныффыста йæ фыццаг хæдбындур, аивадон æгъдауæй зынгæдæр уацмыстæ, куыд музыкæ кинофильмтæн «Цæгат Ирыстон» (1950 аз), «Советон Хуссар Ирыстон» (1951 аз). Кинематографийы Паддзахадон оркестры директор К. Хачатурян фыста, зæгъгæ, ацы куыстыты Куллиты Леонид йæхи равдыста профессионалон æмæ курдиатджын композиторæй.

1952-1954 азты композитор йæ хъусдард аздæхта Плиты Грисы поэзимæ æмæ уæд йе’мдзæвгæты ныхæстæм гæсгæ ныффыста цалдæр вокалон-оркестрон уацмысы, куыд «Ныхас Лениныл». Леониды уацмыстæй иууыл дæргъвæтиндæр уыд сюитæ «Райсом хæхты». Премьерæйы фæстæ уымæн саргъ кодтой, куыд композиторы стыр æнтыст, афтæ. Мæнæ цы фыста ацы музыкæйы тыххæй музыкæзонæг Ю. Кремлев, 1959 азы Цæгат Кавказы композиторты сфæлдыстадон æркасты йæм куы байхъуыста, уæд: «Мæнæн мæ зæрдæмæ тынг фæцыд Куллиты Леониды симфонион пьесæ. Уый уыд поэзийы хæрздæфæй йедзаг. Автор стыр æхсызгонæй ивы æмæ иу кæны темброн ахорæнтæ». Ирон адæмон цуаноны зарæг «Фсати», куыд лирикон зарæг, афтæ фыццæгтæй иу «фехъуыста» Куллиты Л. Фæстæдæр ацы мелоди ахæм хуызы сæ уацмысты равдыстой æндæр композитортæ дæр, куыд Плиты Христофоры оперæ «Къоста», Гæбæраты Ильяйы оперæ «Азау»-ы æмæ æндæртæ.

Йæ царды фæстаг азты Куллиты Л. йæ хъусдард тынгдæр аздæхта цæцæйнаг-мæхъæлон æмæ кæсгон-балхъайраг музыкалон фольклормæ, фыста вокалон музыкæ цæцæйнаг поэтты æмдзæвгæтыл. 1961 азы Грознæйы æххæст æрцыд йæ симфонион уацмыс «Поэмæ Аслæнбег Шериповыл».

Куллиты Леониды уацмыстæ дих кæнынц: солист, хор æмæ оркестрæн, адæмон инструментты хор æмæ оркестрæн, симфонион оркестрæн, адæмон инструментты оркестрæн æмæ æндæртыл. Уыдонмæ ахæссын хъæуы ахæм уацмыстæ, куыд « Райгуырæн бæстæйыл», «Кад партийæн», «Элеги», «Къаннæг сюитæ ирон темæйыл», «Мæздæггаг зилгæ кафт», «Елхоттаг кафт», хонгæ кафт «Замирæ» æмæ æндæртæ.

Куллиты Леонид йæ цардæй ахицæн 1962 азы. Йæ цыбыр царды уый цы зæр-дæмæдзæугæ уацмыстæ сфæлдыста, уыдон ын рох кæнын нæ уадзынц йæ рухс ном.

Хуыбиаты Никъала


Похожие записи:

ОБЩЕСТВО 21.09.2021 в 10:27

Девятнадцать

20 сентября 2002 года в Геналдонском ущелье произошла трагедия. Сход ледника Колка унес жизни более 120 человек, уничтожил поселок Верхний Кармадон.

ОБЩЕСТВО 22.03.2025 в 13:05

Обращаться за помощью – это нормально

Психическое здоровье является одним из ключевых аспектов общего благополучия человека и играет важную роль в его жизни. В последние годы внимание к этому направлению значительно возросло, что связано с осознанием того, что психическое здоровье не менее важно, чем физическое. Оно влияет на наше поведение, эмоции, мышление и взаимодействие с окружающим миром.

ОБЩЕСТВО 17.06.2022 в 22:45

Какие льготы у «Детей войны» в Северной Осетии?

– Существует ли в Северной Осетии категория граждан «Дети войны» и на какие льготы и выплаты могут рассчитывать люди, имеющие этот статус? Зара КАСАБИЕВА

ОБЩЕСТВО 26.07.2023 в 19:26

АДÆМЫ ХОРЗÆХ ДÆ КУЫ УА…

Операцион уатæй рахызт æмбискары лæг урс халаты æмæ иудзæвгар лæугæйæ аззад. Абон дæр та, цалдæр сахаты чи ахаста, ахæм уæззау операци скодта æмæ тынг бафæллад. Фæлæ нырма йæ куыст нæ фæцис.

ОБЩЕСТВО 1.06.2022 в 21:39

Росгвардия провела «Веселые старты» для детей из ЛНР и ДНР

В преддверии Международного дня защиты детей Управление Росгвардии по Республике Северная Осетия – Алания совместно с Общественно-государственным объединением «Всероссийское физкультурно-спортивное общество «Динамо» и Общественным объединением вожатых республики «Новый взгляд» организовало для детей, прибывших во Владикавказ из ЛНР и ДНР

ОБЩЕСТВО 28.01.2023 в 08:58

В администрации города обеспокоены ростом числа смертей от отравления угарным газом

В городской администрации состоялось заседание комиссии АМС по предупреждению и ликвидации чрезвычайных ситуаций, в ходе которого был рассмотрен вопрос о дополнительных мерах по обеспечению пожарной безопасности в жилом секторе и безопасной эксплуатации внутридомового газового оборудования.

Все новости из категории: